 |
|
|||||||||||
SHOQATA E PËLLUMBAVE AKROBATIKË TË KOSOVËS NË ZVICËR |
||||||||||||
  |
* * * Historiku i Shoqatës së Pëllumbave Akrobatikë(rrotullues)
Ballafaqimi me realitetin se, si individë apo si grup i vogël nuk mund të bëhet prezantimi si duhet, i shtyri shumë kultivues të afrohen më shumë me njëri tjetrin, çfarë edhe solli deri te ideja për krijimin e një shoqate për kultivuesit e pëllumbave nga Kosova. Ideja për krijimin e një shoqate lindi, pra, si domosdo e prezantimit para të huajve, për të arritur t'u bëhet ballë më lehtë edhe agresivitetit të egër e të pakuptimtë të kultivuesve serbë të pëllumbave, të cilët në mënyrë institucionale gjenin terren të dezinformimit të opinionit evropian, duke përvetësuar si të tyren gati të gjitha llojet e pëllumbave të nënqiellit shqiptar, si në Shqipëri, Kosovë, Maqedoni dhe Mal të Zi
Anëtarë të shoqatës "DARDANIA" në Zvicër në vitin 2012
Ky takim vjetor i anëtarësisë ishte një rast për të gjithë që të njoftohen edhe rreth gjithë aktivitetit të shoqatës sonë gjatë vitit 2011, me çrast u bë edhe shpërndarja e shpërblimeve, mirënjohjeve dhe trofetë për kultivuesit e pëllumbave garues të këtij viti. Këtë takim e hapi kryetari i deritanishëm, zotëri Avni Muharremi, i cili me pak fjalë njoftoi të pranishmit lidhur me aktivitetin e shoqatës dhe mbarëvajtjen e këtij takimi. Pastaj ai ia dha fjalën sekretarit të deritanishëm, Rushit Rushitit, i cili njoftoi të pranishmit lidhur me mbarëvajtjen e aktivitetit deri në themelimin e Superligës së garave të tëllumbave akrobatikë të Kosovës në nivel të Zvicrës. Në Superligë, siç njoftoi Rushiti, marrin pjesë tri shoqata të pëllumbave akrobatikë të Kosovës, Dardania, Krahsjellsi i Kosovës dhe Bardhoshi. Në emër të kryesisë së shoqatës Dardania raportin vjetor të aktivitetit të gjithmbarshëm të shoqatës gjatë vitit 2011 e lexoi arkatari Riza Rizai. Raporti përfshinte gjithë aktivitetin dhe të arriturat e shoqatës gjatë vitit 2010. duke potencuar angazhimin e palodhshëm të të gjithë anëtarëve të shoqatës, e sidomos gjatë përpjekjeve rreth themelimit të Superligës. Rizai raportoi edhe mbi gjendjen financiare dhe buxhetore të shoqatës për vitin 2011. Në ekspozitën e 90-të nacionle të pëllumbave të Zvicrës, të organizuar më 9 deri 11 dhjetor 2011 në Altbüron, Shoqata e Pëllumbave Akrobatikë të Kosovës në Zvicër "Dardania" u përfaqësua me dy lloje të pëllumbave nga Kosova, dhe ate, Rushit Rushiti me gjylinë e Kosovës ndërsa Musa Zuzaku me pëllumbin akrobatik (rrotullues) të Kosovës. Pas leximit të raportit vjetor, i cili u prit me duartrokitje të përzemërta, kryetari i deritanishëm shoqatës, zotëri Avni Muharremi së bashku me anëtarë të tjerë të shoqatës shpërndanë mirënjohjet, trofetë dhe shpërblimet kultivuesve më të suksesshëm të shoqatës sonë për vitin 2011. Kështuqë për tre vendet e para për gjatësinë më të madhe të rrotullimit të pëllumbave për vitin 2011 u shpërblyen: 1. Avni Muharremi, me gjatësinë e rrotullimit të pëllumbit prej 147 m, duke arritur një rekord të paparë deri më sot në shoqatën tonë. Kryesia e shoqatës ndau dy medalje për matësit me dylbi, të cilët gjatë garave të vitit 2011 kryen me sukses detyrën e matësit të rrotullimeve të pëllumbave: 1. Himet Limani Në këtë takim pastaj u zgjodh kryesia e re prej pesë anëtarëve, të cilët do ta drejtojnë shoqatën gjatë vitit 2012. Zgjedhjet për kryesinë e re i drejtoi kryetari i deritanishëm, zotëri Avni Muharremi. Kësaj here anëtarësia zgjodhi për kryetar të shoqatës "Dardania" me aklamation zotëri Hashim Aliqi. Pas kësaj takimi vazhdoi me zgjedhjen e anëtarëve të tjerë të kryesisë. 1. Hashim Aliqi, kryetar Kryesia e vjetër ua dorëzoi të gjitha detyrat kryesisë së re duke barazuar edhe gjendjen materiale të shoqatës. Me këtë rast kryesia e re falenderoi kryetarin e deritanishëm, zotëri Avni Muharremi, për punën dhe angazhimin e tij të palodhshëm për mbarëvajtjen e shoqatës gjatë vitit 2011.
|
|||||||||||
